Pantun Madura

Ser-keseran Le’ obi manis

Jang-lajangan dhaunna nangka

Bula Ker-pekkeran sambi nanges

Jang-bajangan esanggu dika

 

Bungkana pelle ma' ekatere

Ngatere ranca'na daun nangka

Tadha' pole bula se epekkere

Paggun mekkere oca'na dika

 

Dha' bara' ka pasar assem

Agarintong mara buwana billa

Bila agella' pas sambi mesem

Arassa caltong atena bula

 

Settong dhuwa' tello' empa'

Malem sennin ka jaba'a

Mon ta' endha' duli ngoca'

Mon ekenning pas egiba'a

 

Ka Tarate lebat pajikaran

Mano' ngortok neng etemorra

Reng alake ja' pate atokaran

Ma’ Olle notok saomorra

 

Obu' pandha' male' katopa'

Obu' lanjang ser-keseran

Mon ta' endha' duli ngoca'

Olle ta' lanjang ka pamekkeran

 

Bula abit ta' ngenom kopi

Mon morongnga lencak dhaja

Bula abit pon ta’ apanggi

Mon kerrongnga tadha' padha

 

Dha' dhaja dha' lao'a

Mekol landhu' ngeppe' buku

Laju asomaja mon noro'a

Pokol ballu' dhante' onggu

 

Ka gunong ngala' nyarowan

Kope bella se ekabaddha'a

Ate bingung adhu ta' karowan

Nape bula se ekatamba'a